Basta-Kristi

Kristi Bastesdotter Tæle, f.1856 vart kalla Basta-Kristi. Ho gjekk mykje rundt på gardane og selde skillingsviser. Sigvald Hufthammer, f.1919, fortalde at ho på sine gamle dagar gjekk og selde mellom anna Titanic-viser. Han hugsa henne då han som gutunge var hos besteforeldra på Hufthamar. Kristi gjekk alltid med 7 skjørt av ulik lengd slik at alle kunne sjåast samstundes.

Ho var gift med Ole Karstenson Aarland, f.1857. Dei budde i Telavåg og hadde borna: Bertin Karsten, f.1886, Kristian Olai, f.1888, og Dorthea Mathilde, f.1891.