|
Kona til leiglending
Knud Tørresen Kleppe , Ingeborg Andersdatter, døyr i 1832.
( fødd 1789)
Ho vart 43 år gammal.
Same året døyr og halvbroren hennar, Ivar, berre 32 år
gammal.
Ho var dotter til losoldermann, sjølveigar og gjestgjevar Anders
Knudsen Møgster / Bakkesund.
Knud sit att med 5 born; to søner og tre døtre i alderen
20 til 6 år :
Mons Knudsen 20 år (1812 - 92 )
Tørres Knudsen 13 ½ år ( 1819 - ? )
Kari Knudsdatter 17 år ( 1815 - ? )
Gyri Knudsdatter 13 ½ år ( 1824 - 98 )
Mari Knudsdatter 6 år ( 1827 - 57 ) Kjelde : Austevoll Gard og
Ætt bind1
Sjølv er han 45 år gammal når kona døyr.
Fire år seinare ( 1836 ) giftar han seg med Gjertrud Monsdatr.
Hufthammer
Men no skal alt Ingeborg eigde skiftast
og slik delast mellom arvingane.
20. november 1832 kom lensmann Knud Olsen Nordfonden og to oppnemnde
vitne til Gaarden Kleppe.
Det skulle haldast Registrerings- og Vurderings Forretning
Alt dei eigde vart rekna opp og sett verdi på.
Her kan du lesa kva dei eigde.(link……s 1- 5 til Den til denne
… i kildeart. )
Når gjelda var trekt i frå var verdien samla på 228
Spd.
Fredag 29. mars 1833 kl ni vart det halde skiftesamling på
sorenskrivargarden på Kaarewig.
Her skulle enkemann, myndige arvingar og dei umyndige arvingane sine
formyndarar møte saman med dei som skulda buet pengar eller som
hadde pengar til gode.
Og elles kunne dei møta som hadde noko å leggja til i saka.
Ikkje noko nytt kom fram.
Men før dei kunne gjera seg ferdig med skiftet, ville skifteretten
gjera ferdig skiftet etter halvbror til avdøde sidan Knud også
ville få arv etter han som skifteretten måtte rekna inn
i skiftet etter kona.
28. november 1833 : Skiftet etter Ingeborg Andersdatter.
Saka hadde lege lenge for å venta på at buet etter Ivar
skulle bli ferdig.
Men det varte og rakk, og no bestemmer ein seg for å gjera ferdig
skiftet etter Ingeborg.
Her kan du lesa om korleis arven vart del . (s6 i kildetekst fra Boets
Indtægt og Udgift…og resten av kildeskrivet link )
|
